【佬訊專欄】講錢傷感情

專欄 | by  佬訊 | 2021-12-06

朋友之間,一牽涉金錢,就有機會有糾紛。

每個人對朋友的定義也不一樣,但如果你以為相熟就不會有問題,那未免太天真。一來,可能只是你當別人是相熟朋友;二來,即使是相熟朋友,未必就可以在金錢上有足夠的溝通。

常見的錢銀糾紛,通常有幾種,以下全部真人經歷。第一種比較直接,是老奉唔俾錢。幫手做嘢又好、二手轉讓舊物又好,一律當你免費。

無錯有時金額不大,幾百而已,但你永遠不知道別人會否介意,值不值得為了少少錢影響友情,諸君要自己衡量。

第二種比較複雜,是唔肯收錢。有次打麻雀,輸幾十蚊,朋友耍手擰頭說少少錢不用計。然後第二次贏一千幾百,他說:「上次都冇計,今次唔係計下話。」

有些人少少數唔收,而且一直不提,你以為他真的無所謂。直到之後有求於你時,才一次過收凸。自此才明白,點解打麻雀一定要找數。

還有第三種,是驚死你搵笨。有時好心幫人買嘢,有些人卻總會疑神疑鬼,覺得你從中抽水賺佢錢。

有些人只是想明碼實價,確保數目正確的,這些帳目分明的人佬編是尊重的;但還有些人,check完單還要嫌你買得貴,有時真會令人吃不消。

經過很多次小糾紛之後,佬編現在開始覺得,其實講錢不傷感情,剛好相反,不講錢才傷感情。能夠光明正大講錢,才是一段成熟的友情。

當然,講錢與否,也可以是個反向指標。如果要說在這些金錢糾紛中學到過甚麼,除了上述的教訓外,就是睇清楚身邊的人。

畢竟連猶大都會背叛耶蘇,數還數,路還路,一切明碼實價,是對雙方的尊重。對,友情不該用金錢衡量,但有時你會發現,原來某些關係,比你想像中的價碼還要低。


【無形.書有價書無價】藏書二事


延伸閱讀

作者其他文章

佬訊

讓lifestyle回歸生活,願諸君優雅地佬去。

熱門文章

編輯推介

梅艷芳小輯

專題小輯 | by 虛詞編輯部 | 2022-05-20

窺探者

小說 | by 盧卓倫 | 2022-05-17

看畫展的日子

藝評 | by 古可欣 | 2022-05-17

侵略詩輯(四):島是山鳥是山烏更是山

詩歌 | by 崑南、驚雷、鄭子健 | 2022-05-13

走近波特萊爾的人生

書評 | by 彭礪青 | 2022-05-10