詩三首：〈陸上行舟〉、〈奇跡集一〉、〈排隊 買蛋捲——讀黃燦然《奇跡集》〉

〈陸上行舟〉

巴伐洛堤

高尚的人

打死都唔相信

唔相信我唱成咁

會俾人打死

只因為不似得

他那麽高尚

那麽高尚

那麽高音

在熱帶雨林

〈奇跡集一〉

最難係喚醒詐瞓嘅阿法狗

最難係詐瞓嘅阿法狗

唤醒詐瞓嘅特朗普

最難係詐瞓嘅特朗普

唤醒詐瞓嘅美國佬

詐瞓嘅你

唤醒詐瞓嘅我

詐瞓嘅眼光光

喚醒詐瞓

眼光光

咁

唔係

好爽

(!?)

最難係

詐瞓嘅人

遇上詐瞓嘅人

又愛上

詐瞓嘅人

一天都光晒

話之佢

係一場災難

又引發

一場災難

啋

啋 啋 啋

奇蹟到來

我們在詐瞓中做愛

我們在災難中相親相愛

「嘿，睡著了嗎

我們要不要一起打個響指?」

人生何幸睡夢中

你傳來一語句。

〈排隊 買蛋捲——讀黃燦然《奇跡集》〉

排兩個鐘頭隊

讀一本詩集

從街頭到街尾

輪到了可以買

四罐牛油蛋捲

椰汁或原味

送給朋友

無有不歡喜

詩集好多詩

翻譯任何文字

想必贏得

異常讚美

已經贏得

異常讚美

詩集叫《奇跡》

原來咁家常

可以咁自然

可以咁神秘

一句到尾

誰都被感動

無有不歡喜

我也寫幾首

當下讀一遍

相信明天來

排隊再修改

可能更新鮮

蛋捲剛捲起

還未入罐前

最是天濛光

讀到了經典

這就很神聖

這就很神秘

神秘主義入門（？）

係人都得

著衣持砵

挨身挾餸

經上所説

阿媽咁話

諾貝爾在前

可能是婆婆

可能老公公

未來習大大

話都話唔定

文殊菩薩

余秀華

婆乸 小鮮肉

鄭小瓊 鄭小奇

一啲都唔出奇

無乃人一個

遠來的和尚

也許是街坊

或恐是小冰

小冰

的同鄉

排隊交水貨

「賺餐晏仔啫」

就當執紙皮

橫豎起得早

聊天過日晨

幫孫仔

爲兒媳

自己唔捨得

「自己就唔捨得㗎嘞」

你想買嚟

請佢食

反正出咗糧

一天都光曬

寫了一首詩

心情又很好

但行公義

要輪隊

小恩小惠

大條道理

死人冧屋

都唔好

借啲意

善意 美意 好意 情意 愛意 醉意 恨意 乃至 詩意 民意

嘿，呢位阿哥 （阿叔）

你就真係唔好

借啲意

借頭借路

搭訕吹水

拔尖

打尖嘞!

（仲呃埋槀費添）

你的聽衆

信衆 同埋

讀者（如果有）

如果真喺有

喺嗰邊

（牧童遙指奇蹟杏花邨 ）