編輯部新年無所事事Kill Time大法

我真係恭喜你呀！新年冇年拜，親戚又傾唔埋，仲要無所事事到入嚟Kill Time？難得遇到好對手，就等Major in耍廢的虛詞編輯部先出招，大家一齊切磋切磋，分享耍廢的大學問！

米雪道成肉身Kill Time密技

流汗

走到陽光最猛烈的地方，在地上畫一個圓，站在中心直立不動，讓你的影子成為時針。你看看地上，一滴、兩滴、三滴，你終將明白，那不是汗，而是時間、牢籠、生命。

寺山修司《檻囚》

眨眼

人不作出犧牲，就不會得到任何回報。要成功Kill Time，秘訣是要不停眨眼，無間眨，朝偉眨，超級無敵眨完再眨，咁時間先會一眨眼就過去。

C LONG限聚在家精氣神之選

以往新年，可以入場睇賀歲波，今年連去球場踢個波都甚艱難。冇年好拜，悶悶哋，好彩仲有得睇英超打救，年初二開始不愁冇節目。單身寡佬睇波，漫漫長夜好易過，成雙成對呢，祝各位男士唔使再畀另一半問，乜嘢叫做越位。

限聚令當前，好多地方冇得去，仲要唔知幾時又會被突襲封區，安坐家中，再好笑嘅賀歲片，呢刻都未必笑得出，而且來來去去嗰幾套睇到爛，咁不如今年就試吓反傳統一點。最近Netflix首播改編自世紀懸案的「藍可兒事件」紀錄片，食住蘿蔔糕查懸案，都好match當下的黑色幽默。

《犯罪現場：消失於塞西爾酒店》（Crime Scene: The Vanishing at The Cecil Hotel）

Carmen一封利是夠你玩成日kill time之選

欣賞銀紙

一提到新年，相信大家都會第一時間諗起利是。如果你是已婚一族，可能已經淚流滿面，但如果你是未婚一族，就應該滿心歡喜。新年流流無嘢做，不如嘗試欣賞個疊即將要派出去、或者逗咗返嚟的銀紙？香港2018年出過新銀紙，當時劣評如潮，尤其是100蚊紙背面嘅粵劇人物，有些少詭異的感覺，差少少以為自己收到陰司紙。除了面值之外，可能銀紙的版本都反映出你同對方的關係。如果收到恐佈的粵劇100蚊，可能你同對方的關係係又愛又恨。不過只要係錢，相信幾恐佈大家都會照收，係咪？

摺利是封

講完銀紙，當然要講利是封。雖然在大家眼中錢才是主角，但無咗利是封的襯托，又點顯得張銀紙咁神秘呢？開心逗完利是，或者派完利是，相信大家都會有唔少利是封剩，新年咁得閒不如做下小手工，將利是封摺成花。如果你親友戚友夠多，就可以摺出99朵利是花，連情人節禮物都可以省返，不過就唔包你另一半一定鍾意啦，嘻！

紅眼 No Time to Kill

甚少拜年，如斷六親，農曆新年諸事勿用，通常都是難得躺在沙發一邊喝酒一邊自閉看書的好機會。

村上春樹新著《第一人稱單數》剛剛上架，最多人討論之處反而與村上春樹無關，而是譯者從過去三十年御用「村上代言人」賴明珠變成劉子倩。村上還是村上，但讀來那種感覺跟昔日有所不同，劉氏譯得更為直白易讀一些，斷句較多，用字精簡，傳意先行而放棄了部分語法，可能也跟這一代較常接觸影視字幕翻譯有關。讀慣了賴明珠那種「扭擰」句式會有點不適應。我覺得賴明珠比較接近村上春樹的行文（林少華則接近「中文」），劉子倩比較接近的，其實是讀者。倒也不是壞事，如今若非譯者換了人，大家都情願在 Clubhouse 爆房，未必再有興趣看村上春樹寫爵士樂、和歌、棒球隊和那些過時的舊情人。

鄧小壊れそう之選

我有一隻手遊，「江南百景圖」，背景是明代的城巿模擬經營遊戲，畫風為淡彩國畫。此GAME一直受文藝小眾追捧，本人亦因為主要角色為古代文藝人物而入坑，課金不在話下。主角係文徵明，他正是本人最喜歡的中國古代畫家；而他的老師沈周，本人藝術史課論文寫過他，在遊戲中能力亦非常屈機，是很多人喜歡的大咖。在這個遊戲中，畫家能力最高（配合中國藝術在GDP上的高超表現），文人次之，李白就是個全能角色。一邊玩，一邊學到很多歷史文化知識，像文徵明的夫人吳黎，明代女道士羅素月、女醫談允賢、公主文俶，這些人我本來都不知道，便覺得這遊戲很提倡性別平等，以及HEHE。故事線只有很短篇幅，但寫得都好。你可以笑我玩支GAME，但這種選擇在香港實在沒有。此GAME本來甚頹，打算佛系KILL TIME，但可能真的做大了，近來很多更新，不停解鎖新城巿，種棉花都種到出晒汗，太激烈了，要壞掉了。

水越設計有一本《殺時間百樣考》，十分配合本次題目，一套兩冊一本記「無聊」研究一本空白供實踐。應該是本很有趣的書，但年前終於省悟自己並無閒暇時間可KILL，於是悲傷地賣掉。

猜包剪揼全港冠軍Joyce 獨居唔拜年Kill Time之道

睇《嚦咕嚦咕新年財》

新年又點可以唔睇《嚦咕嚦咕新年財》呢？呢個簡直係香港人嘅新年傳統呀！套戲又輕鬆又搞笑，仲有得睇Gigi 同劉青雲嘅搞笑演出。雖然冇得去拜年，冇得打麻雀，都可以睇人打麻雀，學吓金句：「人品好，牌品自然就會好！」電影仲教大家點樣打逆境波、點樣用麻雀醫眼疾⋯⋯真係估佢唔到呀！

拜讀《看牛集》

今年牛年，緊係要做返少少野應景。我諗讀者都想留意吓有冇有關牛年嘅讀物！咁就緊係有啦，仲要係香港文學生活館出版嘅《看牛集》。淨係睇封面已經感受到一股脫俗又不失童趣嘅感覺。由吳煦斌所作嘅《看牛集》，寫咗唔同生活舊事同動植物。作者背景亦相當有趣，佢讀生物學同生態學，所以筆下嘅動物、植物都會有個非常細緻嘅觀察，連寫仙人掌都寫得好溫柔！大家新年唔好錯過呢本咁好嘅《看牛集》啦！

《看牛集》

作者 : 吳煦斌

出版社: 香港文學館有限公司

定價 : HK$100

購買連結：https://bit.ly/2MKlXFU