【佬訊專欄】回復正常come on James

專欄 | by  佬訊 | 2022-06-06

變幻原是永恒,而每一次轉變,都會伴隨著犧牲。生活開始回復正常的這一兩個月,聽得最多的,是情侶分手。

「我哋生活習慣唔夾」,Shirley解釋。她與男友年頭開始拍拖,然後不多久就第五波了。在大部份休閑場所關閉之下,主要的拍拖活動,不外乎是遊車河、買外賣上車食、間竭性行山,以及留在家中。

「但其實我唔鍾意成日宅係屋企lor」,Shirley繼續講,「而且我哋拍拖先三四個月,正常係會出多啲街,食下靚餐廳,而唔係日日留係屋企lor。」看來疫情不單止令香港衰落加速,也令情侶之間的相處跳step,過早去到宅在家中的沉悶日常。

作為兩人的common friend,要不是男方苦苦哀求,佬編真的懶得理。「同埋原來佢好痴身。」,佬編一直點頭,腦袋正在思考今晚食乜好,「餐廳、酒吧開返,咁緊係會多返同啲friend gathering啦,但佢就成日問我去邊去邊,又想管我。」

咁你有冇同佢講過?「講過一兩次,同埋佢自己要返番公司,忙咗好多,都冇時間陪我,咁我緊係同朋友去玩啦。」Shirley最終結案陳詞,對話就這樣完結了。佬編自問盡了責任,根據女方證供,將原因歸納匯報,事情就當完了。

誰不知不到一個星期,就見到Shirley在IG po了與新男友的家居打邊爐story。

講到尾,分手的籍口就像辭職理由,長篇大論只是自圓其說,真相往往不離基本盤:辭職是因為新工與新生活,分手是因為新戀情與不夠愛。所謂對或錯,從來都不是絕對,可惜失戀的人偏偏需要分對錯,話口未完,就收到男方message:「you see that bitch new story??」

「damnnnn」,想了一想,删去本來的「let it go dude」,改成「what a whore」。

Shirley,如果你發現了的話,希望你不要太介意,其實佬編覺得你seems like fun的。


【佬訊專欄】分手很難



延伸閱讀

作者其他文章

佬訊

讓lifestyle回歸生活,願諸君優雅地佬去。

熱門文章

編輯推介

【虛詞・同病相連】養病神醫

小說 | by 綠色衫 | 2024-03-27

【字遊行.倫敦/巴黎】賞墳

字遊行 | by 廖子豐  | 2024-03-27

台北之旅藝術有感

藝評 | by 胡夢未 | 2024-03-18

《新活日常》小輯

專題小輯 | by 虛詞編輯部 | 2024-03-14