文學我放不開,因為我要著嚟錄節目的衫還很多

其他 | by  黃鈺螢 | 2021-03-31

這是我第一次上《文學放得開》,2017年,那時我對於我與文學之間的關係唔係好放得開,小樺一句「唐滌生你得唔得?」,我著了一對很高很高的高踭鞋,和一條很正經的裙,因為很緊張。

後來很多個深夜的很多次很多句「xxx你得唔得?」,一做就咁多季。

老師們說,讀書的時候不算懂,要講俾人聽先叫做真係讀得透徹;文學也如是。因為《文學放得開》,讀懂了很多以為滾瓜爛熟的書,也喜歡上了很多本來不知道會喜歡的書。認真說,我學了很多,比讀書的時候多很多很多。

把文學sell俾普羅大眾,本來是不甚有信心的,但監製們超有vision和信心。爸爸媽媽的朋友有時候會打黎好興奮的說「我琴晚喺電視見到你個女喔」;老豆之後竟然好神心的叫媽媽幫佢喺YouTube重溫,然後說紅樓夢我唔係做得幾好;親戚移民了外國說個女第時可以睇黎學中文,學生們說好像發現了文學幾有趣,問我要book list;連平常沉默的銀行門口保安叔叔都靜靜雞問我「喺港台講文學個個係咪你嚟架?」得到答案後害羞默默點頭。

看書的時候或者會覺得孤獨,但文學其實是可以把人連在一起的。

我們的圈子就壯大了。


香港人的《五夜講場》:十五秒?講埋佢


我本來與文學圈子的關係是:我覺得我不是一份子,也覺得無從進入。因為《文學放得開》,文學圈裡的朋友,也終於有了,更多因此成為摯友。

當然,更重要的是,我發現了性/別角度對於文學評論和研究是重要的,港台化妝師們發現了我化咩妝幾乎都得,而服裝間同事也發現了我的衣櫃好似大過佢地個個。

上一季錄完之後,甚鬱悶,又添置了許多美麗的衣服,打算做節目著,大家快樂一下。

為此我保持盼望,五夜講場你要返嚟啊。我想(美麗地港女地開心地激動地自由地)講的題目還有很多很多。


延伸閱讀

作者其他文章

黃鈺螢

在大學教性別、文化和歷史,兼職籌辦女性電影節,著有詩集《無用的晶瑩》。

熱門文章

編輯推介

【虛詞・同病相連】養病神醫

小說 | by 綠色衫 | 2024-03-27

【字遊行.倫敦/巴黎】賞墳

字遊行 | by 廖子豐  | 2024-03-27

台北之旅藝術有感

藝評 | by 胡夢未 | 2024-03-18

《新活日常》小輯

專題小輯 | by 虛詞編輯部 | 2024-03-14