懷戴天詩兩首：〈家常之阿仔唔睇阿爸嘅詩〉、〈炸彈〉

〈家常之阿仔唔睇阿爸嘅詩〉（懷戴天）@飲江

阿仔唔睇阿爸嘅詩

佢女朋友睇

咁就夠架喇

雖然我唔睇好

佢哋兩個人嘅事

雖然佢哋兩個人嘅事

有我嘅詩

冇理由我唔寫詩

去成就佢哋兩人嘅事

但這個主意幾好吖

我可以報復我自己

以前我有美麗女子

（佢）喜歡我但不喜歡我的詩

除非加上標點符號啦

望著滿天星斗，她説

那時我年輕而且愚蠢

現在對住我自己啲標點符號

猶如對著滿天繁星

相信我咁有才華的兒子

可以抹去所有標點符號

也能成就他輝煌的事業

我的兒子不讀我的詩

他的女朋友會

雖然我並不睇好

我自己的詩

但我睇好

我自己啲標點符號

他本身就有形式的美

微波傳來的韻律

（靜中的霹靂）

想起美麗的女子

都喜歡標點符號

我就可以巡行（遨遊）於天宇

報復我自己

鬼叫當年咁愚蠢

而且咁年輕

像我現在的兒子

放心啦老爹

自從識咗美麗的女子

我冇寫詩好耐喇

我兒子如是說

符號的故事

也是句逗的故事

滿天繁星

可圈可點

豈是手机上

我邂逅的女子

知道的

傷心事

有幾傷心呀。？!

她傳來了

一大段

顔文子

不知道更有

接近無限透明的

微物量子

獨自個兒糾纏

獨自個兒旋轉

讀入其中或生或死

像一隻貓

跟一隻貓論辯

在岣嵝山

一塊碑

是另一塊碑

一首诗

會生出另一首詩

是静中的霹靂

測不可測的

無盡藏裝置

〈炸彈〉— 再寄戴天@淮遠

中三那年的最大娛樂

是放學後到萬人空巷的大街

看穿防爆服的洋人拆炸彈。

中四那年的最大娛樂

是放學後上小貓三兩詩作坊

亂寫詩如亂放菠蘿。

再看看穿長衫的老師

怎樣替我們拆彈。

（2021.5.16）