若果警察肆意往這些街道發射催淚彈是一種「暴力」，在深水埗擺地攤的基層市民每天面對被檢控的壓力，早已是暴力滲透日常的體現了。基層市民賣物維生，卻屢屢需在食環職員來到前收拾離去；稍一不慎遭到票控，不只賠上高額罰款，載滿財物的手推車都有機會被充公。

好多人都知，但唔好太大聲：深水埗有好多地攤檔由年三十晚到初四擺賣，亦係一班電影、音樂發燒友尋寶嘅好時機。你會睇到好多檔口有客人深蹲膝蓋，好投入咁去翻閱每張DVD、VCD、藍光、Game、CD、黑膠、LD、書刊。新年期間，深水埗鴨寮街成為大割價嘅影音產品散貨集中地 ，但最吸引地方係檔主並非賣市面上一般新貨品——好多檔主都會搜羅到來自唔同年代嘅產品，趁新年幾日紅假供大家尋寶——尤其係，你完全預計唔到你會搵到幾咁千奇百怪嘅電影。