南哥用魚骨撩緊牙嘅時候，阿成同佢講，晏晝自己有個親戚過嚟，叫佢幫手帶一帶。電視度，第一場馬啱啱跑完，茶餐廳裡面，大家都「X」一聲。喺「七仔」嘆多一陣冷氣，拎住罐青島，喺門口食埋支煙。見唔到「黑仔」。笠返個死人頭盔，爬兩層樓梯，繼續搵命博。34度，個新人乜柒都唔識，佢自己一邊燒，仲要一邊教，南哥都唔知自己到底流咗幾多汗，佢覺得個人似個天氣咁濕滯。
