【又到聖誕】流出!編輯部Lonely Christmas Boxset

其他 | by  虛詞編輯部 | 2020-12-23

一年容易又聖誕,又係考驗一眾單身人士意志力嘅時候,Lonely Lonely Christmas,Merry Merry Christmas幾句歌詞,已經開始喺耳邊傳來,尤其今年因為疫情,一個人獨自在寒流下支撐,難免更覺空虛寂寞凍。今年疫情下的聖誕,「虛詞編輯部」為讀者嚴選Lonely Christmas Boxset,實在係居家出行,單身聖誕,必備良藥。


鄧小孤星入命之選


《東邪西毒》



獨過聖誕,似乎意味感情一敗塗地——但其實,你有幾一敗塗地,只有你自己先知。找一個角落舐傷口?不,如果是真高傲,會找一個制高點,俯視眾生,旁觀者作上帝狀,隱藏自己的匱乏與創傷。這就是《東邪西毒》的故事。知道真相的歐陽峰,由上帝打回原形,在門外坐了兩天兩夜,看著沙漠的天空不斷變化,「從前看見山,就想知道山後面是什麼,但現在我已經不想知道了。我是孤星入命的人,自小父母早死,只有一個哥哥相依為命,因為係孤兒,從小我就很懂得保護自己,我知道不想被人拒絕,最好的方法就是先拒絕別人。」小時候以為孤獨就是避過傷害的方法,後來想法不一樣了。像大家都以為,片首第一句對白裡最重要的是「其實任何人都可以變得好狠毒,只要佢試過乜嘢叫妒嫉」——但有一天我突然明白,整句裡最具有如同魔法之力量的,是「在好多年以後」,The Ashes of Time。一切終將過去,不能逆轉的力量或者打擊,《東邪西毒》的終極教訓,均在於時間。


(ps. 現在找終極版易,但其實必須要原版陳勳奇的音樂,才能說出人物心中的巨大破洞。)



里爾克


「誰此時沒有房子,就不必建造,

誰此刻孤獨,就永遠孤獨,

就醒來,讀書,寫長長的信,

在林蔭路上不停地

徘徊,落葉紛飛」

——里爾克,〈秋日〉,北島譯


里爾克屬大絕級數,崇高而神聖的孤獨,完滿而充盈,幾乎是一帖最經典的藥方,可以療癒任何的夜晚。而最重要的是,如此深諳書寫孤獨的里爾克,短暫一生的情史都有如黃河之水滔滔不絕,好多貴族夫人搶住照顧佢架。有料,識玩。



(而你呢種關頭係無可能攞本中譯出黎見人。圖片來自網絡。)




CARMEN 自我安慰之選:





見字記得係飲暖水,暖水很好, Be Like暖水。


香港有一個都市傳說,無論身體有咩病痛,只要飲暖水就會咩事都無。「飲多啲暖水啦」總會有個人係你頭痛、M痛、肚痛的時候咁講,暖水可以治百病已經成為了一種常態。暖水可以在物理上溫暖你身,亦可以在心理上溫最你心,飲杯暖水,就好似有人關心你咁。且讓我們一同在平安夜飲杯暖水,可能會無咁孤獨。






襪子雖好,但總依戀著洗衣機,洗完得返一隻,係咪暗串一眾單身狗先?



「預測今日早上寒冷,日間大致天晴及乾燥相當清涼,市區最低氣溫約13度,新界再低一兩度。」每日的天氣報導都提醒著我一個殘酷的事實:新界永遠都比較凍。除了新界地區會凍啲,屋企用地磚又會再低一兩度,如果住新界又用地磚,每天早上和夜晚,都感受到腳趾頭的求救聲。這個時候,襪就可以大派用場,它永遠都是腳趾的好朋友,可以防止纖細的腳趾與冷冰冰硬弸弸的地面直接接觸。即使平安夜沒有另一半與你牽手,也不要忘記有總有一雙襪不離不棄地,為你雙腳保暖。





米雪是但求其(心)嗡之選:



隔離手套


拖過幾千隻手,戴過幾千隻手套,我漸漸明白到,酒越喝越暖,手套越戴越寒,還起毛粒。今年戴手套,不為甚麼,只為防疫,然後我會獨立起來,自此我不怕自己㩒電梯,自己拉開廁所門,不怕自己一個吃火鍋、切生果,不怕自己一個過聖誕。忘了是誰說的,愛若難以放進手裡,何不將這雙手放進手套裡,我可以做到,你也可以。



俄羅斯照鏡大法



要平安度過Lonely Christmas,第一堂首先想同大家解釋下恐懼嘅定義。想了解何謂恐懼好簡單,邊個夠膽照鏡?你可能會話,訓練係由淺入深,好玩唔玩玩照鏡?你咁講係因為你懶係受過連登教育,出入又懶係IG FB Tinder,以為窮毒7就係你唯一嘅問題,係你嘅懶係自卑以為單身就係無聊同污穢,所以就算你唔係窮毒7你一樣會睇唔起自己,如果我哋能夠反轉呢個觀念就得喇。所謂菩提本無樹,明鏡亦非台,今年開始練定個膽,到時莫講話聖誕,情人節你都唔卸佢,一個人行出街淚都唔流一滴,大家就知你沙pok啦。






JOYCE 冬日補水之選:


Handcream



一個人過聖誕,天寒地凍,手仔一定dry到爆。雖然媽媽嘅靚湯可以暖胃,但一對外露嘅手又點可以唔理呢?Handcream從來都係送禮首選,我今次教大家幾種用法溝女啦!第一種,handcream成日都唔小心就唧多咗,呢個時候將多咗嘅cream擺係人地嘅纖纖玉手,對方一定為你嘅細心同無私感動到,boxing day就有著落啦!第二種,假如你想有距離式嘅愛情,虛幻得嚟又帶點神秘,你可以將handcream搽係每日㩒電梯嘅地方,每個經過嘅人都會雨露均沾,滿足大家對多段未知愛情嘅幻想呀!仲未夠?最後一招就係用handcream溝白膠漿整成人形公仔,今個聖誕你就會有個香香嘅美人在懷啦!



Netflav



有情人就Netflix and Chill,無情人就Netflav啦!而家防疫要緊,出面好多菌㗎!陣間中咗肺炎俾人以為去買羽毛球拍點算呀?保護自己、保護屋企人呀!不得不提嘅係Netflav 嘅search engine都俾同事讚好用,同時幾個hashtags都可以search呀!一秒就搵到自己喜好,仲好似Netflix咁有推介俾心大心細嘅你呀!大部分影片都高清,適合試吓買咗新手機嘅你。



C LONG 今年沒聖誕之選:


一個人的歌單


朋友問我誰會伴我這聖誕,我話其實我喜歡一個。年年聽《Lonely Christmas》,今年都算係最應景。肺炎來襲,全城攬炒,人人今年沒聖誕,寒流下勉強支撐。望望照片,追憶串串,某一個熱鬧聖誕夜重現目前,但到頭來冇得飛去第二度過白色聖誕之餘,城內亦只剩低一片白色恐怖。XXX is coming to town,XXX代表乜,自行填充。今天應該很高興,但聽住達明,只有淡淡哀愁,慰問遠方同路人,你、你、你,今個聖誕過得還好嘛?但願每晚都係平安夜。




沒有花,這剎那被破壞嗎


聖誕佳節,街裡愛人一對對,想脫單嘅朋友,諗緊送咩花畀女神,上網search啲花語就啱哂。桔梗花象徵真誠不變、白玫瑰寓意愛情嘅純粹...花多眼亂,有啲難揀。行過街頭,商場播住聖誕歌,可惜限聚令當前,中庭擺放嘅聖誕裝置,亦只能夠孤零零咁棟喺度,幾靚都冇用,沿途行人疏疏落落,個個戴住口罩,花再香都聞唔到半滴。諗諗吓,其實仲送乜鬼花呀,想要桔梗,今晚落旺角桔梗買個外賣當係喇;想要白玫瑰,今晚食住外賣播首《白玫瑰》就算數。其他嘢,過埋呢個衰到冇人有嘅2020再講!





植入式廣告終於出現:《文學單身動物園》


如果真係文學館同虛詞無形顧客,見到我地寫呢個題都應已等緊呢個植入式廣告出現!《文學單身動物園》千奇百怪文學哲學藝術單身過案大陳列,失戀獨身又有,為理想獨身又有,一路狂蒲地獨身又有,眾文學大咖為你壯膽,本書用作被窩裡自我安慰係得,拎住出街當banner作獨身宣言又得,向心儀對象表示availiable都得,得左。在書店買,可能可以邂逅另一個同道人(真係ff得好勁),心急的話可以直接上文學館網站即時訂購!

網上書展:http://www.hkliteraturehouse.org/winterbookfair2020







延伸閱讀

熱門文章

編輯推介

【教育侏羅紀】建立

教育侏羅紀 | by 游欣妮 | 2021-10-19

投向新世界的石頭

影評 | by 安娜 | 2021-10-18

李琴峰「芥川賞」得獎小輯

專題小輯 | by 虛詞編輯部 | 2021-10-15