捲入烏臺詩案，在獄中遭遇殺生之禍；仕途失意，連連被貶，經歷重重災劫，如何令蘇軾脫胎換骨，成為千古傳誦的文學大家？星期三晚11點，繼續有「歷史係咁話」才子譚家齊、曾卓然、紫翹重點賞析名作〈山村五絕〉、〈念奴嬌〉、〈定風波〉等作品，並討論在壞時代蘇東坡逆境向上的精神！

「歷史係咁話」老拍檔譚家齊、曾卓然 重出江湖！今集在線等會講下兩位都非常欣賞的才子蘇軾！除了重點賞析多首名作如〈水調歌頭〉、〈江城子〉等，亦會講下歐陽修、蘇軾一家等南方文人，如何在宋朝官場中努力掙扎，以及「雪泥鴻爪」的典故！星期三晚11點，聽聽家齊、卓然、紫翹 ，一齊傾下蘇軾！

紀念一個作家最好的方法，就是繼續讀她的書。西西在〈肥土鎮灰闌記〉中的政治寓言，如何書寫我城身分危機？患癌後遺症導致右手漸漸失靈，無阻她用左手寫成《看房子》、《我的喬治亞》、《縫熊志》、《欽天監》等作品，寓創作於遊戲，在不同藝術之間跨界遊走。星期三晚11點，繼續與 #黃念欣 教授、主持小樺、Emily一起暢談西西作品的遊戲性與跨界！

「我覺得生命既不可愛，也不見得不可愛，一朵花，就算只開一個短短的早晨，也沒有甚麼不好。」紀念一個作家最好的方法，就是繼續讀她的書。西西在2022年12月18日辭世，今集「藝文在線等」請來黃念欣 教授，與主持小樺、Emily一起討論西西近70年的寫作生涯，懷緬這位我城重要的作家。

古語有云：「病向淺中醫。」但醫病都要小心選擇唔同療法。認知行為治療（Cognitive Behavioural Therapy，簡稱 CBT）可以話係現今最普及嘅一種心理治療療法，但當中有唔少爭議性，《學人串社科》前主持、港大心理學副教授陳濬靈引用學者 Farhad Dalal 講法，同你探討下「CBT霸權」！

香港人，你快樂嗎？要怎樣才能成就快樂的人生呢？《學人串社科》前主持、香港大學心理學系副教授陳濬靈藉《Finding Happiness》提出「淨心」概念，拆解尋找快樂嘅終極竅門，香港人必睇！

在亂世之中，每個人也需要被治癒一下。諾貝爾文學獎得主柏慕克（Orhan Pamuk）通過《純真博物館》，創作出一個發生在伊斯坦堡，情約半生的愛情故事。今集已讀不回 BookChannel由何潔泓主講，謹以此書獻給所有曾被愛情撕扯得體無完膚的凡夫俗子。

疫情之下，大家留喺屋企嘅時間都多咗，面對眾多雜物，可以點樣有效斷捨離？執屋執到懷疑人生，點先可以下定決心同雜物斷捨離？執屋達人阿橙 @執屋．告別雜物 JuppUk 同埋演員 Ceci Chan 陳秄沁 有計！

在《天地變何處安心》，林超英以「天人合一」闡述其世界觀──「人類」是自然 的一部份，天地萬物是互為因果的循環，生活中不起眼的微細生物，皆為我們創造了生命的條件。今集聽聽前天文台助理台長梁榮武如何詮釋林超英的自然思想。

相信各位都感覺到，香港近年愈來愈熱了。在《喚醒69億隻青蛙》中，作者李逆熵把全球人口比喻為熱鍋中的青蛙，若大家持續忽視氣候變化問題，那全世界都會在溫水中「一鑊熟」！今集請來前天文台助理台長梁榮武講李逆熵的《喚醒69億隻青蛙》，以及面對氣候危機如何自救！

文藝界兩大唱得之人──LunaIsABep同Roger大師兄回歸已讀不回 Book Channel！Book Channel 四月鉅獻，Roger X LunaIsABep X 黃嘉瀛，2 girls 1 guy一齊講下有關「成長」嘅話題，Roger自爆愛情經歷之餘，仲同Luna合唱！

陳慧憑藉處女作《拾香紀》獲得香港中文文學雙年獎，一鳴驚人。《拾香紀》的主角連十香生活於1974至1996年的香港，「那是香港最美好的二十二年。」陳慧道。今集已讀不回BookChannel，黃嘉瀛介紹令她與香港文學 結下不解之緣的《拾香紀》，不要錯過！

在成長的過程中，我們難免會失去一些朋友。面對人際關係的疏離，生活的孤獨、無奈與痛苦，我們該如何自處？本地獨立女歌手 Luna Is A Bep 今次講村上春樹的《沒有色彩的多崎作和他的巡禮之年》，也許能給予大家一些解答。

當我們談論愛情時，我們究竟在談論甚麼？在日常生活中，愛看似無所不在，但我們真的具備愛的能力嗎？今晚十一點，Luna唔說唱，轉行說書，講Erich Fromm《愛的藝術》！

歷史組戰隊成員范小毛、譚家齊歸位！多謝大家嘅留言，小毛、家齊收到晒！未睇嘅朋友快啲入去重溫，支持五夜歷史組啦！

讀歷史，同時要反省歷史。喺九十年代，歷史學家Keith Jenkins有感學界對於歷史研究本身嘅理論反思非常不足，因而著書《重新思考歷史》（Re-thinking History）。全能哲人大師兄Roger同大家講下歷史嘅本質，一齊思考身處後現代世界，究竟如何看待歷史。

歷史學者金文學的著作《中國人 日本人 韓國人》首創以「隨筆」方式比較「漢字文化圈三大成員國」歷史與文化，震撼東亞學術界。「五夜歷史佬」范永聰（范小毛）聲音導航，同我哋講下呢本書有咩咁厲害！

在商業掛帥的社會，追求「真正音樂」是否不切實際？小毛老師講由著名作曲家暨「人山人海」創辦人于逸堯所寫的《香港好聲音》，收錄十二個香港音樂創作人投身流行音樂工業的故事，以口述歷史方式，重塑香港流行音樂文化圖景。

疫情之下，出街食飯諸多限制，簡直係全港為食一族嘅惡夢！已連月無啖好食，體重驟降嘅小樺唯有睇書抗衡饑餓感，仲拍埋片，佢揀咗歷史學者柯立葉嘅《饞——貪吃的歷史》，呢本書以文化角度講解人類為食 嘅歷史，作者引用咗大量藝術繪畫、文學作品解構飲食文化，大家快啲入嚟補充營養！！

已讀不回 Book Channel 第五回請來「點Cook Guide」馬田為大家介紹《村上RECIPE》！這本絕版人氣食譜是「村上春樹廚房閱讀同好會」一眾書迷的心血結晶，嚴選村上作品中三十五道菜色，將其化為食譜，以食的角度解構村上的文學世界。

第四回已讀不回 Book Channel請來「點 Cook Guide」馬田為大家介紹《本土情味——飲食男女文章結集》。這本書由已停刊的《飲食男女》雜誌文章結集而成，收錄了過往十四年間大大小小的老字號食店專訪，寫飲寫食的同時，紀錄了珍貴的香港本土故事。

第三集已讀不回 BookChannel 有鄧小樺為大家介紹《不用怕，自戀》。哈佛心理學專家馬爾肯在著作中詳引大量臨床實例，分析自戀的利弊，並教育大家在日常中如何應對自戀者，以及健康自戀的法門。

全新一季已讀不回BookChannel第二集，有大師兄Roger為大家介紹佛洛依德的《自我與本我》(The Ego and the Id)。佛洛依德將人格分成「本我、自我與超我」三個層面，目的是要解釋各種潛藏於我們心底裏的欲望、意念和意識，以及這三種人格如何無形中支配我們的心靈。

全新一季「已讀不回BookChannel」，打頭陣的是重量級唐君毅《道德自我之建立》。這位當代新儒家宗師在著作中強調，人不能僅按照本能和欲望過活，我們應該要運用與生俱來的自覺能力為生活賦予道德價值，從而超越現實的種種限制，達致自主的人生。 鳴謝新亞研究所提供場地。

今年已讀不回最後一集，青年作家勞緯洛帶來吳明益的短篇小說集《苦雨之地》，一齊開發大腦，感受自然環境的溫柔與生機。作為近年在台灣成為最受注目的代表性作家之一，吳明益的創作一直關注自然生態保育和台灣原住民等議題，想了解人類面對自然感受的倫理與美學的重要一課，記得收看。

川端康成的《雪國》堪稱是跨代的「文青聖典」，內外散發著值得眾人討論的文學價值。今集已讀不回請來青年作家勞緯洛作解說，這本作品也為他帶來非一般的個人啟發。想知《雪國》影響力為何如此強勁，記得留意收睇。

江記今次要談的本土製作動漫，是智海的《The Writer and Her Story》，據說它是本土文藝漫畫界中的傳奇。不斷重複的敘事風格，畫風罕見地沉重，一切的苦難，都返照我們創作的初心。與智海份屬好友的江記，同代人的解讀飽含感情，記得收睇。

今集有幸請到漫畫家江康泉（江記），誠推今敏大導的漫畫作品《Opus》，嘗試解說作品存在大大少少的「漏洞」，成為角色反抗的工具，成功打破作品角色與讀者的第四道牆，為漫畫增添多一個層次和深度。究竟漫畫《Opus》係咪低調高手嘅燒腦神作呢？記得收睇！

黃念欣老師最後一回剖白多年沒有公開提過關於董啟章作品的原因，以及開腔解說《地圖集》的三大因素，以其獨特角度帶領我們去理解董啟章，內容目不暇給，記得準時收睇今集已讀不回。

聽說《溫柔與暴烈》在網上炒賣至上萬元，黃念欣老師分享她由看不明這部小說，到見證黃碧雲包容她訪問配備不足，平凡此書被文學標準低估了的種種故事。今集已讀不回，有黃念欣與小樺一起了解現實中的溫柔與暴烈。

西西無疑是香港很有份量的前輩作家，長篇著作《飛氈》紀錄不同階層不同背景的人的生命日常，以廣闊心靈俯視香港百年世俗生活圖景。今集已讀不回，請來中大中國語言及文學系氣質女神黃念欣教授，一起登上神奇飛氈體驗不一樣的奇幻旅程，記得收睇！

人人都怕老，怕自己的腦筋身體不如以往；腦神經科學家泰勒卻因為腦中風，而單靠右腦活了幾年？今集已讀不回，馬傑偉分享泰勒的暢銷著作《奇蹟》（My Stroke of Insight），從「中風」這種人人害怕的疾病講到相信右腦的直覺，老與未老的你，都應該來上這一課。

有人認為夢是集體潛意識，又有人認為夢有預言的能力，心理學家卡爾‧榮格在文集《夢》裡，理論和案例兼備地分析，到底夢是甚麼。今集已讀不回Book Channel，請來中大新聞及傳播學院退休教授馬傑偉，與鄧小樺從榮格的理論，說到馬傑偉嘗試自我解夢。

到底人的好與壞，是否天生早註定？作為倫理學的入門，哲學家 Simon Blackburn 的《Being Good》歸納了倫理學發展至今，與不同學派和知識系統發生過的辯論。今集已讀不回繼續有好青年荼毒室的MK老師教大家讀哲學，並與小樺對談做好人的可能。

柏拉圖為他老師而寫的《蘇格拉底之死》，紀錄了蘇格拉底為哲學而死的故事。面對不義的政治審訊，蘇格拉底非但沒有委曲求存，甚至有多次逃過死劫的機會，他都沒有逃避而選擇堅持提問。今集《蘇格拉底之死》堪稱已讀不回史上最大規模製作，且看MK老師如何與鄧小樺擦出火花！

白先勇《孽子》是台灣第一本以同志戀情為主題的經典小說，主角李青被「出櫃」後，受盡家庭、校園的歧視，當他到了同志王國「新公園」落腳後又有甚麼遭遇？父子間對同性戀的認知差異而產生的災難，又會如何發展？今集已讀不回Book Channel，有小野和你共讀白先勇。

小野上星期講完貓，今個星期同你講卡夫卡《變形記》入面葛雷高變成的怪蟲。作為存在主義的經典作，主角葛雷高為咗幫屋企還債同支持妹妹學小提琴而努力工作，點知當佢變成怪蟲之後，屋企人又討厭佢、份工又無埋，最後連妹妹都嫌棄佢。到底他對妹妹懷著一種怎樣的感情？變形對卡夫卡而言又有著甚麼意義？記得睇今集「已讀不回Book Channel」。

如果有一天，醒來發覺自己變了一隻貓，你會怎樣做？今集再次請來小野貓傾力演出，賣住萌講衛斯理《老貓》。倪匡以衛斯理的身份，面對怪力亂神的老黑貓，還有行蹤詭秘、無間斷在家揼釘的張老頭，他到底如何揭開謎底，最後甚至幫助外星人離開？今晚「已讀不回Book Channel」，有有小野和你一齊喵喵喵喵喵～

詩已經小眾，寫英文詩更少之又少。黃裕邦最新出版的英文詩作《Besiege Me》，結集了他在2014年至2020年間的作品，主題離不開同志和香港，亦梳理了與父母之間的關係，更加入了不少廣東話及網絡術語，令詩更有生命力。其實用英文寫詩有甚麼特別之處？外國文學生態又是怎樣？今集「已讀不回Book Channel」繼續有詩人黃裕邦與小樺講英文詩，記得睇喇！

李安講過「每個人心中都有一座斷背山」，安妮．普露創作的同志文學經典《斷背山》，藉兩位西部牛仔的愛慾去講同志的壓抑，描寫當世界轉變的時候，情感滯留於某一個時間點而衍生出的存在與否的問題。今集「已讀不回Book Channel」，請來同志詩人黃裕邦Nicholas與小樺，跟大家講書講電影。

經歷過布拉格之春、蘇聯入侵的米蘭‧昆德拉，以那個時代為背景寫成《生命中不能承受的輕》。人生的「輕」或「重」，人有無權自己選擇？還是「非如此不可」？今集「已讀不回Book Channel」有小樺同阿泉陪你重回布拉格，記得睇喇！

馬家輝的《龍頭鳳尾》寫殖民地時期，山頭林立的香港江湖故事，不僅講述黑幫大佬的發圍史，更多是黑道和外藉警官間的愛恨情仇，亂世中做漢奸的無奈。無定向會客室今次找來好青年荼毒室的阿泉作分享，想知佢到底會點講，記得睇喇！

邱益彰的《香港道路探索》從路牌的歷史說起，探討香港街道路牌的設計，以及字型和字體風格的由來。究竟路牌係邊個設計？字型又點解咁特別？今集繼續有貳叄書房，同大家講道路研究社邱益彰嘅《香港道路探索》，記得睇喇！

怪談史是日本文化重要的一部份，日本人對恐怖故事的喜愛正是源於恐懼，伊藤潤二其中一本經典作《富江》，年輕美少女富江這角色，既描寫了伊藤潤二自己年輕時對女性的恐懼，也是超脫了受害者的悲慘女性形象，變成復仇的象徵。今集「已讀不回Book Channel」繼續請來貳叄書房三位腦細，講大家期待已久嘅伊藤潤二《富江》，記得睇喇！

文青書店貳叄書房的三位少女腦細，將在已讀不回連續說書三星期！頭炮係文青必讀、香港文學之寶，李碧華的《胭脂扣》！作為香港文學經典，《胭脂扣》的癡情女鬼故事令人低迴，更代表了香港人的身份迷離之夢，據聞每間大學都有教《胭脂扣》的課程，今集「已讀不回Book Channel」大家要save低喇！

英國作家莎拉．華特絲（Sarah Waters）的《Fingersmith 指匠情挑》，好睇在於裡面鉅細無遺地描寫維多利亞時期英國的生活，烈女藝術家黃嘉瀛更加覺得，呢本書的女同志奇想世界好吸引。有幾好睇，快睇今集「已讀不回Book Channel之無定向會客室」啦！

法國情色大師巴塔耶（Georges Bataille）嘅創作曾經被眾人唾棄，但佢冇因此而放棄自己，繼續寫好多驚世駭俗嘅作品，後來仲影響左好多思想大師。今集「已讀不回Book Channel」之無定向會客室，既係前衛烈女，又係藝術家嘅黃嘉瀛KY，同小樺為大家介紹巴塔耶嘅《愛神之淚》，睇下藝術可以有幾激進！

日本大文豪三島由紀夫寫嘅《金閣寺》，講述一位自慚不善表達嘅少年溝口，發現自己想象中嘅金閣寺同現實中嘅金閣寺有好大嘅差異。面對事與願違，面對理想同幻滅，你會選擇點做呢？今集「已讀不回Book Channel」之無定向會客室，有小樺同好青年荼毒室嘅鹽叔，同你睇下另一種嘅日本美學。

人生係漫長嘅等待，正如愛爾蘭劇作家貝克特，喺佢寫嘅荒誕劇《等待果陀》首演後十六年，先等到諾貝爾文學獎。喺唔知會唔會等到嘅等待當中，你會選擇點樣去渡過？今集「已讀不回Book Channel」之無定向會客室，有小樺同好青年荼毒室嘅鹽叔陪你一齊諗，記得唔好錯過。

寺山修司，一位行前左咗半個世紀Slash，做過詩人、劇場人、導演，主要嘅職責就係顛覆傳統，挑戰禁忌。喺佢呢本隨筆集《扔掉書本上街去》中，處處展現出佢瘋癲嘅人生觀，想知呢位怪才點解會成為咁多大師嘅偶像，記得唔好錯過今集「已讀不回Book Channel」啦！

作為「文青」必睇嘅書，你哋有冇睇過村上春樹嘅《海邊的卡夫卡》？而喺呢本非常魔幻，又非常寫實嘅小說入面，我哋最終會見到一個現代日本社會嘅「弒父戀母」寓言？想知呢本「文青必備」嘅書講咩，就要睇今集「已讀不回Book Channel」入面小野點講，仲有快啲一齊CLS（Like、comment、share）啦！

唔知大家有冇諗過，世界上最遙遠的距離係點樣㗎呢？由《星之聲》開始，「距離」一直都係新海誠嘅創作母題。有時可能係分隔異地嘅距離，有時可能係成長帶嚟嘅距離，有時甚至係物種之間嘅距離。喺新海誠嘅愛情哲學觀入面，唔通正正係因為彼此之間存在距離 ，所以愛情先至特別浪漫？「距離產生美」，新海誠又如何喺《秒速5厘米》入面，展示呢種得不到的悽美？想知，就要睇今集「已讀不回Book Channel」入面小野點講，仲有快啲一齊CLS（Like、comment、share）啦！

上年戲院上咗由小栗旬主演嘅《人間失格：太宰治與他的3個女人》，我哋可以睇到一代無賴派作家太宰治如何好型咁寫出遺作《人間失格》。作為當代文青嘅金句王，太宰治寫出咗一句句觸動我哋心弦嘅「負離子」。由「我這一生，盡是可恥的事。」到「膽小鬼連幸福都會害怕，碰到棉花都會受傷，有時還被幸福所傷。」我哋都可以見到佢嗰一份怯懦同哀傷。但到底點解佢咁容易受傷，又咁容易墮落？而呢啲地方又如何喺佢嘅作品中反映出來？想知，就要睇今集「已讀不回Book Channel」入面小野點講，仲有快啲一齊CLS（Like、comment、share）啦！

可能你未必聽過《嫌疑犯X的獻身》，但相信你都有睇過「神探伽利略」呢套日本推理劇，今集就係由明星小野COSPLAY福山雅治！而呢套劇嘅原著作者，就係日本「寫實本格派」推理小說家東野圭吾！所謂「寫實本格派」，除咗有「本格派」著重嘅邏輯推理，仲有「社會派」入面同社會問題連結一齊嘅犯罪動機。而《嫌疑犯X的獻身》唔單止揭示日本嘅社會問題，以及有精彩嘅謎題，仲有可歌可泣嘅悲劇愛情？想聽多啲，就要睇今集「已讀不回Book Channel」入面小野點樣表演，仲有快啲一齊CLS（Like、comment、share）啦！ #盧鎮業​ #小野​ #已讀不回​ #香港文學館​ #東野圭吾​ #嫌疑犯X的獻身​ #神探伽利略​ #日本文學​ #推理小說​ #寫實本格派​ #Literature​ #文學​ #導讀​ 訂閱虛詞無形YouTube Channel︰https://bit.ly/3dicXyY​ 讚好虛詞無形Facebook專頁：https://bit.ly/3dAe6BX​ ➤「已讀不回」獲香港特別行政區政府「藝能發展資助計劃」的資助

當與現實保持一段藝術距離之後，我哋先至能睇到其中嘅「真實」。謝曉虹喺去年出版嘅短篇小說《無遮鬼》中裡面時代的「暗號」，明嘅人就會明；入面好多嘅情節，都係由現實中嘅新聞所啟發！係咪比呢本神秘嘅小說集所吸引呢？想聽多啲，就要睇今集「已讀不回Book Channel」入面小樺點樣分析，仲有快啲一齊CLS（Like、comment、share），等大家一齊睇呢一本香港嘅魔幻寫實啦！ #鄧小樺​ #小樺​ #已讀不回​ #香港文學館​ #謝曉虹​ #無遮鬼​ #魔幻寫實主義​ #Literature​ #文學​ #導讀​ 訂閱虛詞無形YouTube Channel︰https://bit.ly/3dicXyY​ 讚好虛詞無形Facebook專頁：https://bit.ly/3dAe6BX​ ➤「已讀不回」獲香港特別行政區政府「藝能發展資助計劃」的資助

女人真命苦，而佢哋嘅命運，可能同時都係香港嘅命運？香港女性作家黃碧雲嘅《烈女圖》，聚焦嘅主角全部都係女人，組織出一種「母系」嘅家族史。而其中極其混亂複雜嘅親屬關係，以及大量嘅黃碧雲風格嘅殘酷描寫，更加將女性嗰一份命硬同命苦，發揮得淋灕盡致！到底黃碧雲點通過瑣碎又粗俗嘅女性語言與視角，展現巨大嘅生命力量？想知，就要睇今集「已讀不回Book Channel」入面小樺點樣分析，仲有快啲一齊CLS（Like、comment、share），等大家一齊睇呢一部「另一種香港歷史」啦！ #鄧小樺 #小樺 #已讀不回 #香港文學館 #黃碧雲 #烈女圖 #Literature #文學 #導讀 訂閱虛詞無形YouTube Channel︰https://bit.ly/3dicXyY 讚好虛詞無形Facebook專頁：https://bit.ly/3dAe6BX ➤「已讀不回」獲香港特別行政區政府「藝能發展資助計劃」的資助

癲！深得小樺同言叔夏鍾情嘅李維史陀，佢係《憂鬱的熱帶》一開頭就寫住：「我討厭旅行，我恨探險家。然而，現在我準備要講述我自己的探險經驗。」一句就見到佢份人幾咁「憂鬱」。作為「結構主義之父」，李維史陀曾經大力批判沙特，並且提出咗著名嘅二元對立結構，認為「野蠻人」同現代人背後嘅思維結構有共通之處，對之前主張原始思維較低等嘅主流人類學觀點構成莫大衝擊添！想十幾分鐘了解李維史陀同結構主義，就要睇今集「已讀不回Book Channel」入面小樺點講，仲有快啲一齊CLS（Like、comment、share）啦！

全個已讀不回團隊都係粉絲，荒木飛呂彦嘅漫畫《Jojo奇妙冒險》絕對有媲美嚴肅文學嘅價值！你可以一路欣賞名牌時裝同埋名模級數嘅人體姿態，一路睇燒腦嘅超能力同頭腦戰，進行視覺同腦部嘅雙重享受！附送台前幕後奮不顧身JOJO模仿大賽——想知呢部「神作」講咩，就要快啲一齊CLS（Like、comment、share）啦！

點解我哋今時今日，仲要睇小說？或者我哋可以係馬奎斯嘅《百年孤寂》中揾到答案。作為一部魔幻寫實主義嘅作品，《百年孤寂》通過唔合「常理」嘅劇情，去對現實中發生嘅荒誕統治發聲。作為拉美魔幻寫實嘅共同立場，反帝國、反霸權、反殖民成為馬奎斯對當時社會吶喊。今日香港同樣有魔幻寫實主義嘅作品，唔知會唔會有同樣因此得到諾貝爾文學獎嘅作家呢？想知《百年孤寂》如何成為一代經典，就要睇小樺點講，仲有快啲一齊CLS（Like、comment、share）啦！

相信婚姻其實係一種買賣嘅張愛玲，以廿三年華之姿，寫出佢第一部短篇小說《金瑣記》。家境窮困，於是成為獎學金獵人，更加考上倫敦大學嘅遠東區第一，但命途多舛，最終要寫小說嚟賺錢養自己。係咪因為咁，所以佢成為自稱嘅「拜金主義者」？但如果係咁，佢又點解要寫出《金瑣記》呢部講女性被金錢摧毀一生嘅作品？到底錢同愛，對於張愛玲嚟講，又象徵啲咩？想知，就要睇小樺點講，仲有快啲一齊CLS（Like、comment、share）啦！ #鄧小樺​ #小樺​ #已讀不回​ #香港文學館​ #張愛玲​ #金鎖記​ #Literature​ #文學​ #導讀​ 訂閱虛詞無形YouTube Channel︰https://bit.ly/3dicXyY​ 讚好虛詞無形Facebook專頁：https://bit.ly/3dAe6BX​ ➤「已讀不回」獲香港特別行政區政府「藝能發展資助計劃」的資助

也斯同我哋一樣，每日返工都會想唱「邊一個發明了返工？」但也斯同我哋唔同嘅係，人返工我返工，我返工就係繼續頹廢，佢返工返到寫出第一本詩集《雷聲與蟬鳴》！？問題係邊度你知唔知？唔係因為太有自信，而係「觀照」啊！想知咩嚟，就要睇今集「已讀不回Book Channel」入面小樺點講，仲有快啲一齊CLS（Like、comment、share）啦！ #鄧小樺​ #小樺​ #已讀不回​ #香港文學館​ #梁秉鈞​ #也斯​ #雷聲與蟬鳴​ #詩集​ #新詩​ #現代詩​ #香港文學​ #Literature​ #文學​ #導讀​ 訂閱虛詞無形YouTube Channel︰https://bit.ly/3dicXyY​ 讚好虛詞無形Facebook專頁：https://bit.ly/3dAe6BX​ ➤「已讀不回」獲香港特別行政區政府「藝能發展資助計劃」的資助

面對「發展才是硬道理」，「忘掉種過的花／重新的出發／放棄理想吧」，香港人的執著要透過香港文學來表達！從陳智德嘅《地文誌》裡面種種對香港過去光景嘅敍述，尋回香港人嘅記憶，對抗官方敍事！而更重要嘅係，我哋點樣通過共同記憶，成為「香港人」？想知更多，就要睇今集「已讀不回Book Channel」入面小樺點講，仲有快啲一齊CLS（Like、comment、share）啦！ #鄧小樺 #小樺 #已讀不回 #香港文學館 #陳智德 #陳滅 #地文誌 #地方 #香港文學 #社區文學 #歷史 #Literature #文學 #導讀 訂閱虛詞無形YouTube Channel︰https://bit.ly/3dicXyY 讚好虛詞無形Facebook專頁：https://bit.ly/3dAe6BX ➤「已讀不回」獲香港特別行政區政府「藝能發展資助計劃」的資助

呢位填過〈你的名字我的姓氏〉、〈我〉、〈再見二丁目〉嘅傳說填詞人，佚名，到底係邊個？雖然唔知道，但今集「已讀不回Book Channel」將會講佢嘅散文合集《曾經——林夕90前後》。係書入面，除咗會由佢親自解釋自己嘅詞作，仲會見到佢嘅撚字心得、拖稿大法，仲有佢嘅青春添！想知更多佚名喺歌詞以外嘅一面，就要睇今集「已讀不回Book Channel」入面小樺點講，仲有快啲一齊CLS（Like、comment、share）啦！ #鄧小樺 #小樺 #已讀不回 #香港文學館 #林夕 #夕爺 #曾經林夕90前後 #散文 #專欄 #Literature #文學 #導讀 訂閱虛詞無形YouTube Channel︰https://bit.ly/3dicXyY 讚好虛詞無形Facebook專頁：https://bit.ly/3dAe6BX ➤「已讀不回」獲香港特別行政區政府「藝能發展資助計劃」的資助

呢個世界公平咩？安貝托．艾可唔單止係一個非常有名嘅學者，佢嘅第一本小說The Name of the Rose《玫瑰的名字》，全世界加埋賣左成五千萬本，後尾仲拍埋電影！而佢嘅Six Walks in the Fictional Woods《悠遊小說林》就教大家點樣先至唔會「想得太多」，過份解讀作品！想知，就要睇今集「已讀不回Book Channel」入面四哥如何用佢咁有智慧嘅言論同有D反光嘅眼鏡，安撫緊一直遮蔽住一眾讀者嘅前世陰魂啦！仲有快啲一齊CLS（Like、comment、share）！ #李康廷 #李四 #四哥 #好青年荼毒室 #已讀不回 #香港文學館 #安貝托艾可 #悠遊小說林 #文學理論 #Literature #文學 #導讀 訂閱虛詞無形YouTube Channel︰https://bit.ly/3dicXyY 讚好虛詞無形Facebook專頁：https://bit.ly/3dAe6BX ➤「已讀不回」獲香港特別行政區政府「藝能發展資助計劃」的資助

藝術睇唔明，一如阿媽係女人——呢個講法已經落後喇！而Alva Noë係《Strange Tools: Art and Human Nature》同大家講，藝術嘅普遍形式係︰see me if you can！我哋細個對藝術嘅第一印象可能就係畢卡索嘅抽象畫，而將藝術同抽象掛鈎，背後嘅預設立場可能就係：藝術就係睇唔明㗎啦，好出奇呀？但咩係藝術？點解藝術咁難明？而難明之後，藝術嘅功能又係咩？想知更多，就要睇今集「已讀不回Book Channel」入面四哥點講，仲有快啲一齊CLS（Like、comment、share）啦！ #李康廷 #李四 #四哥 #好青年荼毒室 #已讀不回 #香港文學館 #AlvaNoë #StrangeToolsArtandHumanNature #藝術 #知覺理論 #Philosophy #哲學 #導讀 訂閱虛詞無形YouTube Channel︰https://bit.ly/3dicXyY 讚好虛詞無形Facebook專頁：https://bit.ly/3dAe6BX ➤「已讀不回」獲香港特別行政區政府「藝能發展資助計劃」的資助

赫胥黎係《美麗新世界》同大家講咗一個探討「文明是種進化，儘管適應，別制止它」嘅故仔。係呢一個大家都開開心心嘅「烏托邦」入面，人類又用咗咩代價，去鍊成呢個「美麗新世界」？「人沒有犧牲就什麼都得不到。」係繁榮安定同自由之間，又存在住咩衝突同矛盾？我哋又要如何抉擇？想知更多，就要睇今集「已讀不回Book Channel」入面豬文點講，仲有快啲一齊CLS（Like、comment、share）啦！

如果你而家塞咗喺屯公或者觀塘道，尼采嘅《悲劇的誕生》一定好啱你睇，因為佢解釋咗人生同塞車一樣，都係痛苦同無意義！但原來要解決呢個死局，居然係靠「酒神精神」以及激昂嘅音樂？即係點，係咪要落club？想知更多，就要睇今集「已讀不回Book Channel」入面白水點講，仲有快啲一齊CLS（Like、comment、share）啦！ #關灝泉 #已讀不回 #香港文學館 #尼采 #悲劇的誕生 #人生的意義 #酒神 #希臘悲劇 #Philosophy #哲學 #導讀 訂閱虛詞無形YouTube Channel︰https://bit.ly/3dicXyY 讚好虛詞無形Facebook專頁：https://bit.ly/3dAe6BX ➤「已讀不回」獲香港特別行政區政府「藝能發展資助計劃」的資助

作為二十世紀非常重要嘅政治思想家，顎蘭嘅《人的條件》有幾勁？就係去到今時今日，政治哲學界仍然不斷有新嘅書同文章去討論佢嘅思想遺產！望到書名《人的條件》，唔知大家會諗，到底點先至係一個合格嘅「人」？係返工不了，還是要為世界留低一啲貢獻？而到底，我哋又應該點做？想知更多，就要睇白水點樣係今集「已讀不回Book Channel」推介呢本好書，仲有快啲一齊CLS（Like、comment、share）啦！ #關灝泉 #已讀不回 #香港文學館 #顎蘭 #人的條件 #PoliticalPhilosophy #政治 #哲學 #政治哲學 #導讀 訂閱虛詞無形YouTube Channel︰https://bit.ly/3dicXyY 讚好虛詞無形Facebook專頁：https://bit.ly/3dAe6BX ➤「已讀不回」獲香港特別行政區政府「藝能發展資助計劃」的資助

香港或者唔再係「國際金融之都」，但點都仲係「國際金庸之都」，因為金庸對武俠精神嘅追求，係喬靖夫嘅《武道狂之詩》中依然體現。係而家嘅香港，撇除門戶之見，集百家之所長，係咪先係最合時宜嘅「武道」？而如果我哋要「為正義，為良知。」我哋要點樣善用自己嘅力量？想知更多，就要睇今集「已讀不回Book Channel」入面白水點講，仲有快啲一齊CLS（Like、comment、share）啦！ 去片：https://youtu.be/clsMExqYTVU #關灝泉 #已讀不回 #香港文學館 #喬靖夫 #武道狂之詩 #武俠 #武林 #仁義 #Literature #文學 #導讀 訂閱虛詞無形YouTube Channel︰https://bit.ly/3dicXyY 讚好虛詞無形Facebook專頁：https://bit.ly/3dAe6BX ➤「已讀不回」獲香港特別行政區政府「藝能發展資助計劃」的資助

到底人除咗有眼耳口鼻外，仲有啲咩科學角度以外既「特質」？身兼哲學家、劇作家、作家三個身份，三位一體既沙特，通過書寫《無路可逃》﹙No Exit﹚一眾文學作品，去完成佢既「哲學補完計劃」。如果真係「他人即地獄」，咁係咪代表只要我哋孤身一人，就可以得到救贖？今次「已讀不回Book Channel」繼續請來鹽叔，同大家一齊「反抗」。記住快啲一齊CLS（Like、comment、share）啦！ #楊俊賢 #已讀不回 #香港文學館 #沙特 #無路可逃 #諾貝爾文學獎 #哲學 #存在主義 #劇作 #卡繆 #Literature #文學 #導讀 訂閱虛詞無形YouTube Channel︰https://bit.ly/3dicXyY 讚好虛詞無形Facebook專頁：https://bit.ly/3dAe6BX ➤「已讀不回」獲香港特別行政區政府「藝能發展資助計劃」的資助

用一句歌詞去概括諾貝爾文學獎得者卡繆既成名作《異鄉人》，就係「那年十八，母校舞會，站著如嘍囉。」人生在世，我哋往往會有時候覺得自己同世界格格不入，但點解呢？原來歸根究底，就係「真是荒謬，把自己看得那麼高」.jpg？今次「已讀不回Book Channel」請來哲學界唐鳳，好青年荼毒室 - 哲學部既楊俊賢「鹽叔」，同大家一齊「反抗」。記住快啲一齊CLS（Like、comment、share）啦！ 去片：https://youtu.be/53W-3ccLYV0 #楊俊賢 #已讀不回 #香港文學館 #卡繆 #異鄉人 #諾貝爾文學獎 #哲學 #存在主義 #哲學小說 #Literature #文學 #導讀 訂閱虛詞無形YouTube Channel︰https://bit.ly/3dicXyY 讚好虛詞無形Facebook專頁：https://bit.ly/3dAe6BX ➤「已讀不回」獲香港特別行政區政府「藝能發展資助計劃」的資助

睇完〈天能〉，我哋知會發生嘅嘢始終會發生。而原來以色列歷史家哈拉瑞嘅《人類大命運：從智人到神人》都同大家講，人類嘅命運一樣有跡可尋！？今次唔洗求神問卜，唔洗〈天能〉，只要我哋一齊打開呢本「未來簡史」，我哋都可以一探人類嘅未來！唔洗問燒山，唔洗問媽咪麵，只要大家一齊CLS（Like、comment、share），就有董生同你一齊解話。 #董啟章 #已讀不回 #香港文學館 #哈拉瑞 #人類大命運：從智人到神人 #人類大歷史 #神話 #預言 #Humanity #人文學 #導讀 訂閱虛詞無形YouTube Channel︰https://bit.ly/3dicXyY 讚好虛詞無形Facebook專頁：https://bit.ly/3dAe6BX ➤「已讀不回」獲香港特別行政區政府「藝能發展資助計劃」的資助

如果要揀一本香港人而家一定要睇嘅小說，一定係喬治．歐威爾嘅《一九八四》。美國大選邁向熾熱巔峰，為咗唔好令個post比facebook del咗，就唔講點解咁講啦！而更加重要嘅係，一係就快啲睇咗條片佢，一係就快啲睇咗條片再買埋本書返屋企。你問點解？唔知啊，但係我可以話比你知，Big Brother is Watching You！想知前面嗰句講緊咩，咁就要大家一齊CLS（Like、comment、share），等董生同你一齊睇啦。 #董啟章 #已讀不回 #香港文學館 #喬治歐威爾 #一九八四 #共產主義 #二加二等於五 #動物農莊 #極權社會 #政治小說 #Literature #文學 #導讀 訂閱虛詞無形YouTube Channel︰https://bit.ly/3dicXyY 讚好虛詞無形Facebook專頁：https://bit.ly/3dAe6BX ➤「已讀不回」獲香港特別行政區政府「藝能發展資助計劃」的資助

邊個估到，董啟章居然會睇漫畫，仲係一個「阿基拉迷」？呢本大友克洋嘅漫畫《阿基拉》（Akira）係1982年成功預言咗2020年有東京奧運，再成功預言埋東奧搞唔成。係呢本「預言漫畫」入面，我哋見到有外國勢力介入、催淚彈橫飛、核爆、反政府地下組織、手足、小朋友齊打交、小朋友齊打大人、拯救世界，仲有愛與友誼？到底呢套「古惑仔」科幻經典，點樣成為董生口中嘅「神漫畫」？大家睇完後記住CLS（Like、comment、share），同董生一齊推你朋友入坑啦！ 董啟章 （Dung Kai-cheung） #董啟章 #已讀不回 #香港文學館 #大友克洋 #阿基拉 #Akira #漫畫 #東京奧運 #Literature #文學 #導讀 去片: https://youtu.be/BZOHkVNZEJs 訂閱虛詞無形YouTube Channel︰https://bit.ly/3dicXyY 讚好虛詞無形Facebook專頁：https://bit.ly/3dAe6BX ➤「已讀不回」獲香港特別行政區政府「藝能發展資助計劃」的資助

《追憶逝水年華》作者普魯斯特既細佬羅貝爾講笑咁話：「要想讀《追》，一係大病一場，或一係跌斷腿，如果唔係邊有咁多時間？」足以證明呢本書厚到作者細佬都唔比面。但學董生話齋，其實只需要引其中嘅一句：「所有真正的天堂，都是已經失去的天堂。」另外再加多句：「藝術作品是重獲逝去時光的唯一手段。」十五秒就內就足以總結呢本書。但十五秒，真係總結到呢本曠世鉅著咩？如果你唔信，咁就要CLS（Like、comment、share），同董生一齊用十五分鐘行過呢百幾萬字啦！

弗朗索瓦．拉伯雷《巨人傳》剛出版便成暢銷書，為當時平民和精英階層所熱愛，卻受到教廷和貴族的批評和被禁。書不但被禁，出版商更要被燒死，作者逃走，可以說當時教廷的確「誰大誰惡誰正確」。

有得揀先係老闆，而女人有得揀定無得揀，從來都唔係靠彩數。雖然夏綠蒂勃朗特喺《簡愛》序言寫道「並非驚天動地，盡可能謙卑的故事」，但讀到女主角簡既一句「SHUT UP！」，就發現原來呢一個女仔，居然係維多利亞時代女性憤怒（female rage）既象徵。就連作者都要用中性化名去出版嚟回避歧視既不平等年代，想知女人如何抵抗壓逼既命運？咁就要CLS（Like、comment、share）誠邀親朋戚友，坐定定一齊睇Serrini講《簡愛》啦！

才華橫溢既鍵盤戰士王爾德，無論面對邊一個階層、性別或者國家，都要妙筆生花，句句串到應一應。用一句說話總結《不可兒戲》，就係「給正經人看的無聊喜劇」？想知佢點樣用一句句punchlines諷刺維多利亞時代上流社會裝模作樣的日常。就要一齊CLS（Like、comment、share）今集，讓Serrini同我哋一同睇呢套一啲都唔荒唐（？）既荒唐劇。